Dança !

     Es fach! Los ai vistes! Es lo segond còp que los vesi e francament son de vertadièrs esportius !Èra dissabte de ser passat, i avià un monde ! Lor creacion es facha sus de musicas dichas commercialas (coma LMFAO, Maroon 5 o Coldplay) mas es fòrça dançant. I a pas realament una importanta « scenographie » (ai pas tapat de traduccion), mas alara son calucs ! Fan de saut e tot plen de figuras de contunh ! Avèml’impression que son jamai cansats ! I avià  una femna e sèt òmes. L’an passat èran mai nombroses, una quinzenat.

La seguida arriba...

Bom dia Portugal !

Region Douro, patrimoni de l'unesco

     Soi a escotar  de musicas portuguesas e dins lo meteis temps sèm a preparar nòstre viatge al Portugal. M’a talament agradat que l’estiu passat, quora ne soi tornada avià qu’una enveja i retornar e demorar mai de temps dins lo país del « Gal de Barcelos ».

     Ara ai enveja de far un tor del país. Demorèri en Algarve pendant detz jorns, mas aqueste còp anèm commençar per la region de Porto. Vos ai fach un pichòt dessenh sus la carta, en verd es en gròs ço que nos agradariam de far aqueste estiu en doas a tres setmanas…

Quand parlèm de Portugal, parlèm tanben de sa cultura. Mos amics m’an fach descobrir una mena de musica fòrça conneguda que se sonna lo « Fado ». Es un pauc melo-dramatic . Foguèt repres pel Brasil amb de tèxtes similaris, mas amb una musica mai dançanta. Vaquí ço que pòdi vos mostrar !

Aquò es pel « Fado », mas la musica d’uèi m’agrada tanben coma la de Marcelo D2 qu’es fòrça conneguda dins lo monde. I a tanben de femnas, Roberta Sà o les Femmouzes T (còla franco-portuguesa)que m’agradan.

Per far completament la promocion del Portugal, vos prepausi d’acabar aquel article sus una vidèo que me fa plan rire. Es de D’Jal un umoriste francès del Jamel Comedy Club, es suls estrangièrs e francament es plan jogat !

Quand agachi pas o fau !

E aprèp veire l’espectacle magic de dimècres, devià me bolega un pauc ! Per tot dire, m’aviai donna força enveja de dançar ! (coma a cada còp qu’agachi un espectacle). Brèu, dimenge passat, aprèp una passejada a pe al lac del Salago (costat de Lodèva), avèm trapat sus internet un estagi de dança de salon. Aquí, es lo moment ont vos disetz « es pels vielhs aquò ! », non pas brica ! Se que non , los vielhs son d’esportius de nauts nivèls !

Extrach de l'emision "Danse avec les stars"

     Bon èra amb dos dançaires de l’emision de television « Danse avec les Stars » (vos dis lèu, aviai « zappat » un còp dessus, mas sabiai pas vertadièrament çò qu’èra). Mon amiga Nadou (encara ela) qu’es una granda apasionada d’emisions de televison, conneissià aqueles dos dançaires : Maxime Dereymez e Katrina Patchett. Francament, avià paur de me trobar dins un recampament dels melhors dançaires de la region o a l’inverse dins un recampament d’adolescentas apasionada del Maxime (qu’es polit, me cal o dire). Èra pas aquò, i avià un pauc de totes los nivèls, e totes atges. L’ambient èra agradiva per qué los dançaires èran risolièrs e que las musicas èran variadas.

Fin finala, soi plan decidida a tornar far l’experiència ! Qu’importa los dançaires, mas ai plan enveja d’apprendre mai que lo Chacha e la Rumba !

Istòria de dança

Coma fa de temps que soi pas anada veire un espectacle, agachi un fum de videos.Vaquí ço qu’ai trapat sus la tèla !

Vertadierament,es un amic dançaire que me la mandèt per internet (sus Caradebuòu ). E m’agrada força ! Es plan dessenhada, vesèm los movements de còs coma los de la vida vidanta. L’istòria (d’amor encara !) que semble exprimir es polideta e parli pas de la musica qu’aimi tan !

Ara lo temps maluròs ont agachavi de videos sus la tèla es acabat ! Deman de ser, vau veire lo darrier espactacle de Phillipe Decouflé !

Panorama

Panorama, Philippe Decouflé

     Es bon ! L’ai vist lo subrebèl ! I soi anada amb mon amiga Marine, qu’es a la facultat de sciénça (es una subre femna, fa de biològia e de matematica !). Brèu, èra dimècres passat a l’opèra Berlioz, la granda sala del Corum a Montpelhièr. I avià un fum de monde perque èra l’abans darrièra representacion a Montpelhièr.

     E òc ! Philippe Decouflé es un grand coregraf. Es lo qu’a creat l’espectacle dels J.O d’Albertville en 1992 ! Fasià detz ans qu’èra pas vengut presentar una de sas creacions a Montpelhièr. Pensetz- vos èra la tropelada !

     A ! Que l’espèra ne valià lo còp ! Èra sul tèma del circ, amb de represas de bocins de sas ancianas pèças (amb los costums de las annadas 80). Un molon d’umor ! Un « Mr Loyal » (sabí pas cossí dire en occitan) a s’espotir del rire ! Los dançaires èran comedians, fasiàn força expresions amb lors caras.

Vos conselhi, coma de costuma d’anar lo veire perque es pas sonque de dança mas una màger par es teatralisada donc auretz lo rire de la debuta a la fin.

Lo que seguis

     Aquesta annada, es una annada de barrutlage a travès l’Euròpa : Malta, l’Irlanda, l'Espanha… lèu sera l’Itàlia, mai precisament Roma. E òc ! Es totjorn amb mon amiga Nadou qu’anarem al mes de junh dins lo pais de Dante. Fa jà un an que sèm a preparat aquel viatje. Avèm cercar los melhors albèrgias, restaurant e luòcs de veire (granmercejamos  al Guide du routard).

Roma- roïnas

     La tòca d’aqueste viatje es de pas mancar l’avion, de pas prendre una setmana de marrit temps, de pas agantar un « impetigo » o que que sià coma malautiá. Mas de temptar de far un viatje normal, come tot lo monde, sens cap de problèma.

     Benlèu, se los cardenals son encara a se carpinhar sus lo que serà lo papa, sant paire de totes, aurèm l’escasença de veire la fum blanca sortir de la chiminèia. Mas espèri pas trop, perque se es lo cas, i aura una molada de gens dins tota la ciutat. E aquò m’agrada pas brica !

L'Aquila-  partida montanhosa

     Vos escondi pas qu’ai per projècte d’anar en M1 en Itàlia, e se o pogèsse a l’Aquila que m’agrada mai coma destinacion que Turin (es una ciutat minièra). Coma soi una filha coragosa, qualque causa ma tornèt en memòria : L’Aquila es una region a forta activitat sismica ! La vila foguèt destrusida dos cops per aquò ! Es donc aquò lo departament a decidit de se desfar dels estudiants que demoran ! Bon, i a pas de terratremol cada jorn ! Dempuèi 2009 tot va plan dins la cituat de Celestin V elegit papa en 1294 (es lo tèma actual non ?). Aquela, es a mes d’una ora e mièja (en veirura pas a cava !) de Roma, e i a tot plen de roïnas al entor (de roïnas romanas, pas las dels terratremols !).

Barcelona

     Coma sèm un pauc calucs, sèm partits una dimenjada a Barcelona, capitala del pais Catalan per veire la finala del mondial de Handbòl. Èra entre l’Espanha e lo Danemark. I avià una ambient a la nautor de l’eveniment ! Los Espanhòls èran a cantar de cants pendant tota la rescontra. Coma los pronostics o predison, es l’Espanha qu’a remporta la partida.

Anatz veire aquí per lo demai… 

Seguida a acabar

La Canson oficiala Irlandesa

Avèm remarcadas, que i a una canson que lo pais entièr conneis. Passa dins los bars, los bus e las botigas. Vos prepausi de getar una agachada sus aquela vidèo d’una còla que se sonna The Dubliners e que cantan aquela canson « nationala »….